Bohol – Matagumpay na isinagawa ng mga tauhan ng Buenavista Police Station at Santo Rosario Parish Church ang ika-30 na Proyektong “Balay Sa Gugma” sa Purok Nangka Barangay Cangawa, Buenavista, Bohol nito lamang Sabado, Marso 25, 2023.
Ang aktibidad ay pinangunahan ng mga tauhan ng naturang istasyon sa pangangasiwa ni Police Captain Edcel Delgado Petecio, Officer-In-Charge katuwang ang Santo Rosario Parish Church sa pangunguna ni Fr. Nasario Tiempo Jr., Parish Priest, Parish Vicar, Rev. Fr. Vienvinido Omamalin, Parish Pastoral Council sa pangunguna ni Mr. Lino Divinigracia, PPC President, Barangay Parish Council, Barangay Catechists, Lay Ministers Families for the Father, Gagmay ng Kristohanong Katilingban (GKK), Family Group Leaders at mga Barangay Officials ng lugar.
Ang Balay Sa Gugma ay inisyatibo ng grupo at sa loob ng tatlong taon ay nakapaghandog ang mga ito ng nasa 28 na mga bahay para sa kanilang mga kababayan na walang kakayahan na magkaroon ng maituturing na bahay na masisilungan.
Lubos naman ang tuwa at pasasalamat ng pamilya Agnes na siyang naging benepisyaryo ng proyekto at iba pang tulong na kanilang natanggap at sa kaginhawaan na inihandog ng mga kapulisan at ng Sto. Rosario Parish Church.
Hangad ng Buenavista PNP at Sto. Rosario Parish Church na patuloy na makapaghandog ng tulong para sa kanilang mga kababayan na lubos na nangangailangan at ang programa at alinsunod rin sa PNP KASIMBAYANAN na naglalayong patatagin ang ugnayang Kapulisan, SIMBAhan at PamaYANAN.
