La Union – Ipinagdiriwang ng Police Regional Office 1 ang ika-125 na Araw ng Kalayaan ng Pilipinas sa Camp BGen Oscar M Florendo nito lamang ika-12 ng Hunyo, taong kasalukuyan.
Pinangunahan ni Police Brigadier General John Chua, Regional Director ng Police Regional Office 1, ang nasabing aktibidad katuwang ang Command Group.
Binasa din ni Police Brigadier General Chua ang mensahe ng Hepe ng Pambansang Pulisya ng Pilipinas na may mensaheng gampanan natin ang ating trabaho na paglingkuran ang mamamayang Pilipino, itaguyod ang seguridad sa ating mga komunidad, at ipagtanggol ang ating karapatan.
Sa pagtatapos ng programa ay nagpalipad ng kalapati bilang simbolo ng kalayaan at pagwagayway na din ng watawat ng Pilipinas.
Samantala, nangako naman ang Pambansang Pulisya ng Pilipinas na kanilang gagawin ang kanilang makakaya upang mapanatili ang kaligtasan ng mamamayan at ng inang bayan.
Source: Patrolman Viljon Anthony Comilang
