Santa Catalina, Negros Oriental – Nagsagawa ang Negros Oriental PNP ng motorcade bilang pagdiriwang sa ika-124 na Araw ng Kalayaan na ginanap sa Brgy. Poblacion, Sta. Catalina noong Linggo, Hunyo 12, 2022.
Ang nasabing aktibidad ay masugid na sinuportahan at pinangunahan ng Force Commander ng 705th Maneuver Company ng RMFB7 na si Police Captain Jade Asiong Basingao, katuwang ang ilan sa mga kawani nito maging ang mga miyembro ng KAPATID (Kapwa Paglingkuran ang Brgy. Talalak ng may Integridad na Drayber) habal habal drivers.
Ayon kay Police Captain Basingao, ang nasabing aktibidad ay isang paraan ng mga kalahok upang ipakita ang kanilang pakikiisa sa pagdiriwang ng ika-124 na Anibersaryo ng Proklamasyon ng Araw ng Kasarinlan ng ating Bansa.
Samantala, sabay-sabay naman na nagbigay pugay ang buong Pilipinas sa Pambansang Watawat ng Pilipinas at nag-alay ng mga bulaklak bilang pagkilala sa kadakilaan ng mga bayani na naging daan sa pagkamit ng ating kalayaan.
###
