San Luis, Agusan del Sur – Narekober ng mga awtoridad ang mga gamit pampasabog sa Km-20, P-7, Brgy. Don Alejandro, San Luis, Agusan del Sur sa tulong ng isang dating miyembro ng New People’s Army (NPA) nito lamang Biyernes, Hulyo 22, 2022.
Kinilala ni Police Colonel Jovito Canlapan, Acting Provincial Director ng Agusan del Sur Police Provincial Office, ang dating miyembro ng NPA na si alyas “Ban-ban”, sa ilalim ng grupong Regional Sentro de Gravidad (RSDG), North Central Mindanao Regional Committee.
Ayon kay PCol Canlapan, bandang 5:45 ng hapon nang marekober ang mga gamit pampasabog ng mga tauhan ng San Luis Municipal Police Station, Provincial Explosive Canine Unit, Provincial Mobile Force Company at 26th Infantry Battalion ng Philippine Army.
Narekober ang dalawang pirasong Anti-Personnel Improvised Mines, humigit-kumalang 50-metro ng firing wire, 7-metro leg wire, at 1.3-metro ng detonating cord (commercial).
Ang pagtutulungan ng pulisya, kasundaluhan at dating miyembro ng NPA ay isang patunay lamang ng matinding pagpupursigi na wakasan na ang matagal na panggugulo sa kapayapaan ng grupong NPA.
###
Panulat ni Patrolman Jhunel Cadapan/RPCADU13
