Gattaran, Cagayan – Narekober ng mga otoridad ng Cagayan PNP ang iba’t ibang klase ng bomba sa bayan ng Gattaran, Cagayan noong Agosto 2, 2022.
Ayon sa ulat ng PNP Gattaran, dakong 5:30 ng hapon nadiskubre at narekober ang mga nasabing mga bomba sa magkahiwalay na lugar sa bayan ng Gattaran dahil sa impormasyon ng mga concerned citizen at pinagsanib na puwersa ng Canine Unit (K9 Unit) at 2nd Maneuver Force Platoon ng Provincial Mobile Force Company.
Nadiskubre sa tahanan ni Honesto Buenio sa Barangay Centro Sur ang apat na unexploded Ordnance (UXO).
Samantala, ang isang vintage bomb naman ay narekober sa isang abandonadong bahay sa Zone 2, Barangay Takiki, Gattaran, Cagayan.
Ang mga nadiskubreng bomba ay nasa pag-iingat na ng Cagayan Provincial EOD at K9.
Pinuri at pinasalamatan naman ni Police Colonel Renell R Sabaldica, Provincial Director ng Cagayan Police Provincial Office ang mga operatiba sa agarang aksyon at magandang ugnayan sa komunidad para mapanatili ang maayos at ligtas na pamayanan.
Source: RPIO 2
###
Panulat ni Police Corporal Carla Mae P Canapi
