Rizal – Nakumpiska ang mga iba’t ibang kalibre ng baril, bala, at mga paraphernalia sa isang nagpanggap na sundalo sa ikinasang Search Warrant Operation ng Rizal PNP nito lamang Agosto 24, 2023.
Kinilala ni Police Colonel Dominic Baccay, Provincial Director ng Rizal Police Provincial Office, ang suspek na si alyas “Toto”, 53.
Ayon kay PCol Baccay, dakong 4:30 ng umaga naaresto ang suspek sa kanyang pamamahay sa Sitio Pugala Brgy. Lagundi, Morong, Rizal sa pinagsanib na puwersa ng Provincial Intelligence Unit (Lead Unit), Morong Municipal Police Station at Regional Special Operations Unit 4A sa bisa ng Search Warrant at nakumpiska ang mga iba’t ibang kalibre ng baril, bala, at mga paraphernalia at ang suspek ay nagpanggap na miyembro ng Philippine Army na base sa kapitbahay ay madalas na nagsusuot ng uniporme pang sundalo, nagdadala ng baril at kasangkot din sa mga insidente ng indiscriminate firing at mining activity sa lugar.
Nahaharap ang suspek sa kasong paglabag sa Sec. 28 ng RA 10591 o Comprehensive Firearms and Ammunition Regulation Act.
Ang Rizal PNP ay lalo pang paiigtingin ang kampanya laban sa mga loose firearms na walang kaukulang papel at hinihikayat ang mga mamamayan na palaging ipagbigay-alam sa kanilang himpilan ang anumang kahina-hinalang mga ilegal na aktibidad sa kanilang lugar.
Source: Rizal Police Provincial Office
Panulat ni Police Staff Sergeant Donabel Dulin
