Benguet – Timbog ang isang High Value Individual (HVI) sa ikinasang buy-bust operation ng mga awtoridad sa Sitio White Fence, Brgy. Ucab, Itogon, Benguet nito lamang ika-11 ng Agosto 2023.
Naging matagumpay ang nasabing operasyon ng pinagsanib na puwersa ng mga tauhan ng Itogon Municipal Police Station, Philippine Drug Enforcement Unit-Benguet, Benguet Police Provincial Office at Philippine Drug Enforcement Agency-Cordillera Administrative Region.
Kinilala ni Police Brigadier General David Peredo Jr., Regional Director ng Police Regional Office Cordillera ang naarestong suspek na si alyas “Miko”, residente ng naturang lugar.
Nakuha mula sa suspek ang 0.9 gramo ng hinihinalang shabu na nagkakahalaga ng Php6,120, isang pirasong Php1,000 bill na ginamit bilang boodle money at isang pirasong Php500 bill na ginamit bilang buy-bust money.
Mahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Ito ay bunga ng walang humpay na pagbibigay katuparan ng Benguet PNP upang tuldukan ang problema sa ilegal na droga at hadlangan ang mga panganib na dulot nito sa komunidad.
