Arestado ang isang High Value Individual sa ikinasang joint buy-bust operation ng PDEA-X Misamis Oriental Provincial Office at Cagayan de Oro City Station 2 sa Barangay 35, Cagayan de Oro City nito lamang ika-2 ng Hulyo 2024.
Kinilala ni Police Captain Abdulcahar B Armama, Officer-In-Charge ng Cagayan de Oro City Police Station 2, ang suspek na kinilalang si Alias Boyet, 42 anyos na lalaki, may asawa at residente ng Laguindingan, Misamis Oriental.
Sa naturang operasyon, nakuha ang 12 gramo ng hinihinalang shabu na may Standard Drug Price na Php81,600 at nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Patuloy ang Police Regional Office 10 sa pagsasagawa ng mga operasyon laban sa ilegal na droga at kriminalidad upang mapanatiling ligtas at payapa ang buong rehiyon.
