Misamis Occidental – Timbog ang isang High Value Individual (HVI) sa isinagawang Joint buy-bust operation ng mga awtoridad sa Purok 1, Brgy. Maramara, Don Victoriano, Misamis Occidental nito lamang Agosto 30, 2023.
Kinilala ni Police Colonel Dwight Monato, Acting Provincial Director ng Misamis Occidental Police Provincial Office, ang suspek na si alyas “Kokoy”, 31 at residente ng nasabing lugar na kasama din sa PNP/PDEA Watch Listed.
Bandang 4:30 ng hapon nang isagawa ang Joint Operation ng mga operatiba ng Provincial Drug Enforcement Unit – Misamis Occidental at Don Victoriano Municipal Police Station na nagresulta sa pagkakadakip kay alyas “Kokoy”.
Sa naturang operasyon, nakuha ang pitong pakete na hinihinalang shabu na may bigat na dalawang gramo na may Standard Drug Price na Php13,600; isang lighter at isang pirasong Php500 bill na ginamit bilang buy-bust money.
Nahaharap ang suspek sa kasong paglabag sa Section 5 at 11, Article II ng RA 9165 o Comprehensive Dangerous Drugs Act of 2002.
Ang Misamis Occidental PNP ay hindi titigil sa mandato sa paglaban sa ilegal na droga at anumang uri ng kriminalidad upang mapanatiling ligtas at payapa ang komunidad.
