Nasakote ng mga operatiba ng Taguig City Police Station Drug Enforcement Unit ang isang tinaguriang High Value Individual sa ikinasang buy-bust operation na nagresulta sa pagkakasabat ng shabu at marijuana bandang 7:15 ng umaga sa kahabaan ng eskinita ng Mocking Bird Street, Barangay Rizal, Taguig City nito lamang Miyerkules, ika-3 ng Hulyo 2024.
Kinilala ni Police Brigadier General Leon Victor Z Rosete, District Director ng Southern Police District, ang suspek na si alyas “Alvin”, 32 anyos.
Nasamsam ng mga awtoridad ang mahigit 50 gramo ng shabu na nagkakahalaga ng Php340,000; 360 gramo ng marijuana na may katumbas na halagang Php43,300 at buy-bust money.
Nahaharap sa reklamo sa paglabag sa Section 5 at 11 Article II ng Republic Act 9165 o Comprehensive Dangerous Drugs Act of 2002 ang suspek.
Ang pinalawig na operasyon ng SPD laban sa ilegal na droga ay susi para sa matagumpay na operasyon at pagkakadakip sa suspek para sa isang mapayapang bansa.
Source: SPD PIO
Panulat ni PSSg Remelin M Gargantos
