Vinzons, Camarines Norte – Arestado ang isang lalaking High Value Individual na miyembro Gutierrez Drug Group sa buy-bust operation ng Vinzons PNP at PDEA ROV sa Purok 6 Sitio Mantigbi, Barangay Calangcawan Sur, Vinzons, Camarines Norte nitong Miyerkules, Nobyembre 23, 2022.
Kinilala ni Police Major Arkhemedes Garcia, Hepe ng Vinzons Municipal Police Station, ang suspek na si alyas “JJ”, 28, at residente ng Purok 2, Barangay Sta. Rosa Norte, Jose Panganiban, Camarines Norte.
Ayon kay PMaj Garcia, nakuha sa naaresto ang pitong piraso ng katamtamang laki ng selyadong plastik na pakete ng hinihinalang shabu, isang piraso ng malaking selyadong plastik na pakete ng hinihinalang shabu, isang piraso ng Php500 at boodle money na Php35,000.
Tinatayang umabot sa 50 gramo ang nakumpiskang shabu na nagkakahalaga ng Php340,000.
Nahaharap ang suspek sa kasong paglabag sa R.A. 9165 o Comprehensive Dangerous Drugs Act of 2002.
Ang Pambansang Pulisya ay patuloy sa pagsagawa ng Anti-Illegal Drugs Operation upang matuldukan ang pagpapakalat ng ilegal na droga para mapanatili ang kapayapaan at katahimikan sa ating mga komunidad.
Source: Camarines Norte PPO
