Bukidnon – Arestado sa buy-bust operation ng Malaybalay City PNP ang isang High Value Individual nito lamang ika-12 ng Disyembre 2023 sa Purok 1, Brgy. San Jose, Malaybalay City, Bukidnon.
Kinilala ni Police Lieutenant Colonel Julius Clark Prisco Macoriola IV, Officer-In-Charge ng Malaybalay City Police Station, ang suspek na si alyas “Miko”, 27, empleyado ng lokal na pamahalaan ng Bukidnon na residente ng Purok 8, Barangay Poblacion, Cabalangsan, Bukidnon na kasama sa listahan ng mga High Value Individual.
Bandang 3:48 ng hapon nang ikasa ang buy-bust operation ng mga operatiba ng Malaybalay City Police Station – Drug Enforcement Unit na nagresulta sa pagkakadakip sa suspek.
Nakuha sa operasyon ang dalawang pakete ng hinihinalang shabu na may bigat na 1.55 gramo na may halagang Php10,540; isang pakete ng hinihinalang marijuana na may halagang Php120; isang pitaka; isang rolyo ng aluminum foil; dalawang pipe; isang belt bag at Php500 bill na ginamit bilang buy-bust money.
Nahaharap ang suspek sa kasong paglabag sa sec 5 at 11 ng art II ng RA 9165 o Comprehensive Dangerous Drugs Act of 2002.
Ang Malaybalay City PNP ay hindi tumitigil sa paghuli sa mga personalidad na sangkot sa ilegal na droga at anumang uri ng kriminalidad upang mapanatiling payapa at ligtas ang nasasakupang komunidad.
