Arestado ng Cavite PNP ang isang High Value Individual (HVI) at isang Street Level Individual (SLI) sa buy-bust operation sa Barangay Sta. Cruz 2, Lungsod ng Dasmariñas, Cavite bandang 7:00 ng gabi ng Setyembre 13, 2024.
Kinilala ni Police Lieutenant Colonel Jerry B Corpuz, Chief, Provincial Intelligence Unit, ang mga naaresto na sina alyas “Carla,” isang HVI, residente ng Barangay Sta. Cruz 2, Dasmariñas City, Cavite at alyas “Kim,” isang SLI, residente ng Barangay H2, Lungsod ng Dasmariñas, Cavite.
Nadakip ng pinagsanib na operatiba mula sa PDEU Cavite PPO, PDEA Cavite, at mga tauhan mula sa Dasmariñas Component City Police Station ang mga suspek sa buy-bust operation.
Nakumpiska mula sa kanila ang tatlong (3) heat-sealed transparent plastic sachet ng hinihinalang shabu na may tinatayang timbang na humigit kumulang 50 gramo, na may Standard Drug Price na Php340,000, kasama ang minarkahang buy-bust money.
Pinuri ni Police Brigadier General Paul Kenneth T Lucas, Regional Director ng PRO CALABARZON, ang Cavite Police at ang mga unit na tumulong para sa matagumpay na operasyon nito sa pangunguna ni Police Colonel Eleuterio M Ricardo Jr., Provincial Director, sa walang humpay na pagsisikap sa pagsugpo sa ilegal na droga.
Source: Cavite PPO-PIO
Panunulat ni Pat Maria Saraha P Bernales
