Arestado sa ikinasang buy-bust operation ng mga tauhan ng Parañaque City Police Station Drug Enforcement Unit, ang dalawang indibidwal na sangkot sa ilegal na droga nito lamang Huwebes, Setyembre 19, 2024.
Pinangalanan ni Police Brigadier General Leon Victor Z Rosete, District Director ng Southern Police District, ang mga suspek na sina alyas “Woman”, 21 anyos, nakalista bilang High Value Individual at alyas “Share”, 20 anyos.
Nangyari ang operasyon ng Parañaque PNP pasado 1:00 ng madaling araw sa Barangay Sun Valley, Parañaque City na humantong sa pagkakasamsam ng pitong pekete ng hinihinalang shabu na 50 gramo ang bigat at nagkakahalaga ng Php340,000, brown coin purse, perang ginamit bilang buy-bust money, at isang itim na cellular phone.
Sasampahan ng kasong paglabag sa Comprehensive Dangerous Drugs Act of 2002 ang suspek.
Puspusan ang pagsasagawa ng mga operasyon kontra kriminalidad at ilegal na droga ang SPD upang mapanatili ang isang ligtas na pamayanan tungo sa Bagong Pilipinas.
Source: SPD PIO
Panulat ni PSSg Remelin M Gargantos
