Baguio City – Arestado ang isang High Value Individual (HVI) sa isinagawang Search Warrant ng mga awtoridad sa #115 Purok 3, BGH Compound, Baguio City nito lamang Oktubre 26, 2023.
Kinilala ni Police Colonel Francisco Bulyawan, City Director ng Baguio City Police Office, ang suspek na si alyas “Kulot/Nikko”.
Nakumpiska sa suspek ang isang piraso ng plastic sachet na naglalaman ng pinaghihinalaang shabu na may timbang na 0.5 gram at May Standard Drug Price na Php3,400, dalawang piraso ng lighter, isang Taurus G2C 9mm pistol na may serial no. 81696, isang magazine at 12 live ammunitions.
Ang operasyon ay bunga ng walang humpay na pagbibigay katuparan ng pulisya sa kanilang sinumpaang tungkulin upang tuldukan ang problema sa ilegal na droga at hadlangan ang mga panganib na dulot nito sa komunidad.
