Baguio City – Arestado ang isang High Value Individual sa ikinasang buy-bust operation ng mga operatiba ng Marcos Highway Police Station 10, City Intelligence Unit, RECU-COR, CDEU, RIU-14 at PDEA CAR sa Sto. Tomas Proper, Baguio City nito lamang ika-19 ng Marso 2023.
Kinilala ang suspek na isang 31 anyos at residente ng nasabing lugar.
Nakumpiska mula sa suspek ang isang heat-sealed transparent sachet na naglalaman ng pinaghihinalaang shabu na may timbang na 0.71 gramo at may Standard Drug Price na Php4,828, isang pirasong genuine Php500 bill, at isang kulay blue android phone.
Ang suspek ay mahaharap sa kasong paglabag sa RA 9165 o ang Comprehensive Dangerous Drugs Act of 2002.
Samantala, patuloy ang kampanya laban sa ilegal na droga upang maging tahimik at payapa ang ating bansa.
