South Cotabato – Tinatayang Php394,400 halaga ng shabu ang nasabat ng PNP at PDEA 12 sa dalawang High Value Target sa Koronadal City, South Cotabato nito lamang Mayo 25, 2022.
Kinilala ni PLtCol Joedy Lito Guisinga, Chief of Police ng Koronadal City Police Station, ang dalawang suspek na sina Paquito Romero Muega Alyas “Pogi-It”, 48 at si Marilou Borla Tanado Alyas “Malou”, 47, parehong nasa listahan ng mga kilalang drug personalities ng PDEA 12.
Ayon kay PLtCol Guisinga, timbog ang dalawang suspek bandang alas 2:10 ng hapon ng pinagsanib puwersa ng Philippine Drug Enforcement Agency 12 South Cotabato Provincial Office, Koronadal PNP, at Cotabato Provincial Drug Enforcement Unit.
Dagdag naman ni PDEA 12 Director Naravy Duquiatan, nakumpiska sa mga suspek ang 14 na pakete ng hinihinalang shabu na may kabuuang timbang na 58 gramo na may tinatayang halaga na Php394,400, dalawang cellphone, isang lighter, isang resibo ng Palawan at isang pulang Honda na motorsiklo at buy-bust money.
Nahaharap sa kasong paglabag sa Section 5 at 11 Article II ng RA 9165 ang mga suspek.
###
Panulat ni Patrolman Gio Batungbacal
