Esperanza, Sultan Kudarat – Humigit 60 na Indigenous People (IPs) ang naabutan ng serbisyo ng PNP sa isinagawang PNP Project Juana sa Barangay at Community Outreach Program sa Barangay, Pamantingan, Esperanza, Sultan Kudarat nito lamang Miyerkules, Abril 20, 2022.
Ayon kay PCol Gilberto Tuzon, Chief, Regional Community Affairs and Development Division 12, matagumpay na nailunsad ang aktibidad katuwang ang Sultan Kudarat Police Provincial Office, Esperanza Municipal Police Station, at pamunuan ng Brgy. Pamantingan.
Ayon pa kay PCol Tuzon, humigit 60 na kababaihang IPs ang nahandugan ng food packs at hygiene kits.
Humigit kumulang 100 na kabataan naman ang napamahagian ng maiinit at masusustansyang pagkain na inihanda ng PNP.
Bukod dito, ibinahagi ni PLt Gladys Banzuelo, PCADU/IO Officer ng SKPPO ang kanyang kaalaman patungkol sa mga batas na nagpoprotekta sa mga karapatan ng ating kababaihan at mga kabataan.
Lubos namang nagpapasalamat ang mga naging benepisyaryo dahil sa isinagawang pagbisita ng PNP na nagbigay kasiyahan sa mga residente.
“Layunin ng ating kapulisan na makatulong kahit sa simpleng paraan upang makapaghatid ng serbisyo publiko sa gitna ng nararanasan nating pandemya sa ating bansa”, ani PCol Tuzon.
###
Panulat ni Patrolman Gio C Batungbacal
