Pinuri ni House Speaker Ferdinand Martin G. Romualdez si PNP Chief, Police General Rommel Francisco D Marbil sa agarang aksyon nito upang mapanagot ang mga pulis na nasangkot sa kaso ng extortion at kidnapping nitong April 5, 2025 sa Las Piñas City.
Matatandaang agad na nirelieve ni CPNP Marbil ang immediate commander ng naturang mga nahuling pulis mula sa District Special Operations Unit (DSOU) ng Eastern Police District (EPD), bilang pagtalima sa command responsibility ng nasabing pinuno.
“General Marbil should be praised for taking prompt action on the extortion case allegedly involving at least eight members of the Eastern Police District and in sanctioning the star-ranked district commander for what he described as ‘failure of leadership’,” ani Speaker Romualdez.
“It is initiatives such as this that will make people restore their trust in our national police organization and in their local police forces,” dagdag pa niya.
Sinabi rin niya na napapanahon na ang pagkakaroon ng malawakang reporma sa buong hanay ng Pambansang Pulisya, aniya, “we hope that this is the start of those much-needed reforms.”
“The key here is leadership by example. There is no substitute for it. If a leader is transparent, honest, effective, efficient, and compassionate, his commanders and personnel down the line will follow and practice those values,” saad pa niya.
Sa kabilang banda, nagpahayag naman ng buong suporta si House Speaker Romualdez sa PNP, bilang kinatawan ng 306 miyembro ng House of Representatives, sa pagpapaunlad ng organisasyon, kabilang na riyan ang pagbibigay ng mga kinakailangang pondo para sa pagbabago ng himpilan. Isa sa mga isinangguni ng mambabatas ang pagpapalawak ng digitalization ng Pambansang Pulisya.
