Quezon City — Sugatan ang isang suspek sa nangyaring barilan sa hot pursuit operation ng Quezon City PNP nito lamang lunes, Mayo 16, 2022.
Kinilala ni Police Brigadier General Remus Medina, District Director ng Quezon City Police District ang suspek na si Romeo Garcia Puno, 25 taong gulang.
Ayon kay PBGen Medina, naaresto si Puno sa Capulong St., Tondo, Manila bandang alas-11:00 ng umaga ng mga operatiba ng Unit-Follow-up at Intelligence Section ng Police Station-2 ng Quezon City Police District.
Ayon pa kay PBGen Medina, bandang 7:00 ng umaga sa parehong araw, dumulog si Ismael Hadji Abolais Ibrahim sa nasabing istasyon kung saan ang kanyang itim na Suzuki Raider 150cc na motorsiklo (PN: NG79152) ay na-carnap bandang 1:00 ng madaling araw ng parehong araw sa harap ng Paltok Elementary School, Basa St., Brgy. Paltok, Quezon City.
Nang magsagawa ng casing at surveillance ang mga operatiba, naabutan nila ang suspek sa kahabaan ng Capulong St., Tondo, Manila, at nang lapitan nila, bigla itong bumunot ng baril na naging dahilan upang unahan nila ang suspek. Dahil dito, nasugatan ang suspek at dinala sa Tondo Medical Hospital para malapatan ng lunas.
Napag-alaman din ng mga otoridad na may nakabinbin pala itong Warrants of Arrest for Theft and Violation of BP 6, paglabag sa RA 10591, at RA 10883 (Carnapping) at PD 1602.
Sinigurado naman ni PBGen Medina na ang QCPD ay mas lalong pag-bubutihin ang pagpapatrolya sa lansangan at patuloy na paiigtingin ang pagpuksa sa anumang uri ng kriminalidad.
###
Panulat ni PSSg Remelin M Gargantos
