Navotas City — Timbog ang isang lalaking holdaper sa ikinasang operasyon ng mga tauhan ng Navotas City Police Station nito lamang Biyernes, Pebrero 17, 2023.
Kinilala ni Police Colonel Allan Umipig, Officer-In-Charge ng Navotas CPS, ang suspek na si Paman.
Ayon kay PCol Umipig, bandang 2:00 ng hapon ay naaresto si Paman sa Road 10, Navotas City ng mga Intel Operatives sa pangunguna ni Police Captain Luis C Rufo Jr, Chief, Intelligence ng nasabing istasyon.
Nabawi sa suspek ang mga ninakaw nito tulad ng tatlong kwintas, isang pares ng hikaw, apat na relo, isang black pouch, pitong piraso ng Php20, pitong piraso ng Php1,000 at nakumpiska din ang isang .38 kalibre ng baril na may tatlong bala.
Mahaharap ang suspek sa kasong Robbery with Intimidation at Republic Act 10591 o Comprehensive Firearms and Ammunition Regulation Act.
Ang Pambansang Pulisya ay patuloy na paiigtingin ang mga operasyon sa publiko upang maiwasan ang anumang uri ng kriminalidad sa lungsod.
Source: Navotas City Police Station
Panulat ni PSSg Remelin M Gargantos
