Novaliches, Quezon City — Tiklo ng pulisya ang isa sa mga holdaper ng jeep nito lamang Huwebes, Agosto, 18, 2022.
Kinilala ni PBGen Nicolas D Torre lll, QCPD Director ang suspek na si Rovic Garnica Damiano, 18 taong gulang at nakatira sa Goodwill 2, Brgy. Bagbag, Novaliches, Quezon City
Ayon kay PBGen Torre lll, dakong 3:40 ng madaling araw nakorner si Damiano sa Quirino Hiway, Brgy Sauyo, Novaliches Quezon City ng mga tauhan ng Novaliches PS-4.
Ayon pa kay PBGen Torre lll, habang nag hihintay ng masasakyang Jeep pauwi ang biktima at ang kanyang kasama, ay nilapitan sila ng apat na armadong lalaki at doon ay tinutukan sila ng baril at nag deklara ng hold-up. Matapos maisakatuparan ang nasabing krimen ay agad silang tumakas papalayo bitbit ang cellphone ng biktima. Subalit, agarang naka hingi ng tulong ang biktima sa mga nag papatrolyang mga pulis ng Novaliches Police Station 4 kung saan agarang umaksyon ang mga ito at nahuli ang isa sa kanila.
Narekober kay Damiano ang isang baril na may dalawang bala.
Patuloy naman ang ginagawang paghahanap sa tatlo pang nakatakas na kasamahan nito sa krimen.
Mahaharap ang suspek sa kasong paglabag sa Article 296 (Robbery in Band).
Tiniyak ni PBGen Torre lll na 24 oras ang pag bibigay serbisyo ng kapulisan ng QCPD para sa kaligtasan ng publiko.
Source: Novaliches Qcpd
###
Panulat ni PSSg Remelin Gargantos
