Camarines Norte – Naaresto ang isang hinihinalang miyembro ng Communist Terrorist Group (CTG) sa kasong Murder sa Labo, Camarines Norte noong Marso 16, 2022.
Kinilala ni Police Colonel Julius Guadamor, Provincial Director ng Camarines Norte Police Provincial Office ang suspek na si Alyas “Mando”, 38, may asawa, residente ng P-2 Brgy. Maot, Labo, Camarines Norte.
Ayon kay PCol Guadamor, si Mando ay hinihinalang miyembro ng L1 at Kilusang Partido 1 na diumanong bumaril sa isa niyang kabarangay sa Sitio Doongan, Brgy. Malangcao-Basud, Labo, Camarines Norte noong 2006.
Ayon pa kay PCol Guadamor, naaresto si Mando sa pinagsanib na puwersa ng mga kapulisan ng Camarines Norte PPO at Armed Forces of the Philippines.
Dagdag pa ni PCol Guadamor, si Mando ay naaresto sa bisa ng Warrant of Arrest sa kasong Murder na inilabas ng Acting Presiding Judge ng Regional Trial Court Branch 64, Labo, Camarines Norte noong Enero 24, 2020 na may Criminal Case #06-1400 at walang rekomendadong piyansa.
Pinuri ni PCol Guadamor ang patuloy na pagtugis ng mga kapulisan laban sa mga taong nagtatago sa batas at mga sumasanib sa mga kalaban.
Aniya, “Hindi pa huli ang lahat para magbago, andito kami upang tumulong na kayo ay mabigyan ng pagkakataon na magbagong buhay para sa inyong pamilya”.
Source: Camarines Norte Police Provincial Office
###
Panulat ni PCPL Shiear “Kye” Velasquez-Ignacio
