Himas rehas ang isang suspek matapos mahulihan ng higit Php8M halaga ng shabu sa isinagawang buy-bust operation ng mga kapulisan ng Tagbilaran City sa Purok 7, Dangoy Street, Barangay Bool, Tagbilaran City, Bohol, noong ika-23 ng Disyembre 2024.
Ayon kay Police Lieutenant Colonel John Kareen Oliveros Escober, Chief of Police ng Tagbilaran City Police Station, Bohol Police Provincial Office, bandang 1:08 ng madaling araw ng ikinasa ng mga operatiba ang buy-bust operation na nagresulta sa pagkakaaresto ng suspek na si “Adrian”, 22 anyos na residente ng Purok 1, Barangay Libaong, Panglao, Bohol.
Nasabat mula sa suspek ang 13 plastic sachets ng hinihinalang shabu na may timbang na 1,200 gramo at buy-bust money na Php8,160,000, buy-bust money, Oppo na cellphone, sling bag at Yamaha Sniper na motor.
Samantala, kasalukuyang nasa kustodiya na ng Tagbilaran CPS ang suspek at mahaharap sa kasong paglabag sa Republic Act 9165 o “Comprehensive Dangerous Drugs Act of 2002”.
Ang matagumpay na operasyon ay bunga ng pinagsanib pwersa ng Drug Enforcement Team ng Tagbilaran CPS, at PDEA 7, Bohol.
Ang kapulisan ng Lapu-Lapu City ay patuloy sa pagpapaigting ng kanilang kampanya kontra iligal na droga. Ito ay alinsunod sa pangunahing prayoridad ng pamahalaan na labanan ang mga sindikato ng droga sa pamamagitan ng pagpigil sa kanilang mga iligal na aktibidad at pagbuwag sa kanilang mga operasyon.
Source: Tagbilaran CPS
