Negros Occidental – Tinatayang Php462,400 na halaga shabu at baril ang nakumpiska sa apat na drug suspek sa inilunsad na drug buy-bust operation sa Slaughterhouse Compound sa Brgy. Zone 1, Talisay City, Negros Occidental, bandang 5:40 ng gabi ng ika-5 ng Nobyembre 2023.
Kinilala ni PLtCol Salvador Trono Jr, Hepe ng Talisay Component City Police Station, ang mga suspek na si alyas “Mike”, itinuturing bilang isang High Value Individual, si alyas “Noynoy”, “Tepen”, at “Nonoy”, ay itinuturing naman na Newly Identified Individual.
Ayon kay PLtCol Trono Jr, naaresto ang mga suspek ng pinagsanib na pwersa ng mga operatiba ng Provincial Drug Enforcement Unit ng NOCCPO (PDEU NOCPPO) at ng Talisay Component City Police Station.
Ayon pa kay PLtCol Trono Jr, narekober sa nasabing operasyon ang 29 plastic sachets ng hinihinalang shabu na may timbang na 68 gramo, buy-bust money, isang Cal. 45 pistol na may isang magazine na naglalaman ng limang live ammunition, at iba pang drug paraphernalia.
Nahaharap ang apat na suspek sa kasong paglabag sa RA 9165 o ang “Comprehensive Dangerous Drugs Act 2002” at RA 10591 o mas kilala sa tawag na “Comprehensive Firearms and Ammunition Regulation Act”.
Ang Negros Occidental PNP ay patuloy sa mas pinaigting na kampanya laban sa ilegal droga at sa iba pang uri ng kriminalidad upang mapanatili ang kaayusan at kaligtasan sa nasasakupan.
