Iloilo – Aabot sa Php2,142,000 na halaga ng shabu ang nasabat ng Carles PNP sa isang 24-anyos na lalaki matapos ang ikinasang drug buy-bust operation bandang 9:10 ng gabi sa NHA Pabahay, Brgy. Barosbos, Carles, Iloilo, nito lamang ika-1 ng Setyembre 2023.
Kinilala ni Police Major Harold Rendora, Hepe ng Carles MPS, ang subject ng operasyon na si Raul Yu Jr., alias “JR”, 24, HVI/Listed, laborer, at residente ng Brgy. Poblacion Zone 1, Estancia, Iloilo.
Ang nasabing operasyon ay inilunsad ng pinagsanib na pwersa ng Carles Municipal Police Station- Station Drug Enforcement Team, IPPO-PDEU, IPPO-PIU, at 2nd IPMFC.
Ayon kay Police Major Rendora, agad na inaresto ang suspek matapos itong maaktuhan sa pagbebenta ng siyam na pakete ng suspected shabu sa nagpanggap na posuer-buyer sa halagang Php35,000.
Lahat ng nakumpiskang droga sa suspek ay tumitimbang ng 315 gramo.
Ayon pa kay PMaj Rendora, nakuhaan pa si Raul Yu ng isang unit ng break-type homemade pistol shotgun na may kasamang tatlong bala.
Nahaharap ngayon ang suspek sa kasong paglabag sa RA 9165 o Comprehensive Dangerous Drugs Act of 2002 at RA 10591 para sa Illegal Possession of Firearm na may kaugnayan sa ipinapatupad na COMELEC Resolution 10918 o “Gun Ban”.
Ang matagumpay na operasyon ay resulta ng walang tigil na kampanya ng ating kapulisan katuwang ang mamamayan upang puksain at pigilan ang pagkalat ng ipinagbabawal na droga sa ating komunidad.
