Nueva Ecija – Tinatayang Php1,020,000 na halaga ng shabu ang nasabat sa isang suspek sa buy-bust operation ng Cabanatuan PNP nito lamang Biyernes, Abril 22, 2022.
Kinilala ni Police Colonel Jess Mendez, Acting Provincial Director, Nueva Ecija Police Provincial Office, ang naarestong suspek na si Arnold Palioc y Cruz, 40, residente ng Brgy. Suklayin, Baler, Aurora.
Ayon kay PCol Mendez, naaresto ang suspek sa Brgy. Bantug Bulalo, Cabanatuan City, Nueva Ecija ng Station Drug Enforcement Unit (SDEU) ng Cabanatuan City Police Station.
Ayon pa kay PCol Mendez, nakuha sa suspek ang dalawampu’t tatlong sachet ng hinihinalang shabu na may bigat na humigit kumulang 150 gramo at tinatayang may halaga na Php1,020,000 at Php1,500 marked money.
Ang suspek ay nahaharap sa kasong paglabag sa RA 9165 o Comprehensive Dangerous Drugs Act of 2002.
Patuloy ang PNP ng Central Luzon sa kampanya laban sa ilegal na droga upang makamit ang isang drug-free na komunidad.
###
Panulat ni Police Corporal Faith A Sangeles
