Negros Oriental – Tinatayang nasa Php14,960,000 ng hinihinalang shabu ang nasabat ng mga tauhan ng Negros Oriental Police Provincial Office sa isinagawang buy-bust operation nito lamang Miyerkules, Mayo 4, 2022.
Kinilala ni PBGen Roque Eduardo DP Vega, Regional Director ng Police Regional Office 7, ang suspek na si Raul Sabanal Reyes alyas “Raul”, 31, residente ng Purok 5, Brgy. Sulodpan, Bacong, Negros Oriental.
Ayon kay PBGen Vega, nasakote ang suspek bandang 5:39 ng hapon sa lugar na kanyang tinitirhan sa ikinasang buy-bust operation ng mga operatiba ng SDEU Provincial Drug Enforcement Unit; Provincial Intelligence Unit, Regional Drug Enforcement Unit 7 at Bacong Municipal Police Station, Negros Oriental Police Provincial Office.
Ayon pa kay PBGen Vega, nakuha sa suspek ang 2,200 grams ng hinihinalang shabu na may tinatayang halaga na Php14,960,000.
Hangad ng kapulisan na panatilihing ligtas ang bawat mamamayan mula sa komunidad na kanilang nasasakupan, na kung kaya, hindi sila tumitigil sa lahat ng kanilang mga hakbangin upang sugpuin ang iba’t ibang uri ng kriminalidad, maging ang problema sa ilegal na droga.
Photo Courtesy: Rennier Araco Jr.
###
Panulat ni Patrolman Aivan Guisadio
