Nahuli ang limang (5) suspek at nakumpiska ang higit Php120k na halaga ng shabu sa ikinasang operasyon kontra iligal na droga ng pinagsamang pwersa ng PNP at PDEA sa Subic, Zambales noong Oktubre 21, 2021.
Ayon kay PCol. Romano V Cardiño, Acting PD, Zambales PPO, nagsagawa ng buy-bust operation ang mga tauhan ng PDEA Zambales, SDEU, Subic MPS, at ZPPO PDEU/PIU sa Purok 1, Brgy. Matain, Subic, Zambales na nagresulta sa pagkakahuli ng limang (5) suspek.
Kinilala ang mga ito na sina Peter Paul Boscano y Pon, 36 taong gulang; Sahaya Alonto y De la Torre, 26 taong gulang; Ruben San Juan y Acebedo, 31 taong gulang; Abraham De Guzman y Rafanan, 40 taong gulang; at Renato Roxas y Asencio Jr., 27 taong gulang.
Nakumpiska mula sa mga suspek ang anim (6) na sachet ng hinihinalang shabu na may timbang na 18 gramo na may halagang Php120,400; mga paraphernalia; Php500 marked money na may serial no. na JC733302.
Nahaharap sa kasong paglabag sa RA 9165 o Comprehensive Dangerous Drugs Act of 2002 ang mga suspek.
####
Article by Pat Michael John D Delos Santos
