Nasakote ng Lapu-Lapu City PNP ang higit Php1.3 milyong halaga ng shabu mula sa isang High Value Individual sa isinagawang buy-bust operation sa Agus-Proper, Barangay Agus, Lapu-Lapu City, Cebu, noong ika-22 ng Agosto 2024.
Kinilala ni Police Major Judith B Besas, Station Commander ng Police Station 4, Lapu-Lapu City Police Office, ang suspek na si alyas “Dencio”, 36 anyos at residente ng Sitio Atabay, Barangay Agus, Lapu-Lapu City, Cebu.
Bandang 10:13 ng gabi ng ikinasa ng kapulisan ang naturang buy-bust operation na nagresulta sa pagkaaresto ng suspek at pagkasabat ng pitong plastic packs ng hinihinalang shabu na may timbang na 195.6 gramo at may Standard Drug Price na Php1,330,080, buy-bust money at black pouch.
Mahaharap ang suspek sa kasong paglabag sa Section 5 at 11, Article II ng Republic Act 9165 o ang “Comprehensive Dangerous Drugs Act of 2002”.
Patuloy ang buong hanay ng Lapu-Lapu City PNP sa kampanya laban sa ilegal na droga upang mapanatili ang kaayusan at kapayapaan tungo sa isang Bagong Pilipinas.
Source: LCPO SR
