Iloilo City – Tinatayang nasa Php1,156,000 na halaga ng shabu ang nakumpiska sa ikinasang buy-bust operation ng PNP sa Zone 10, Brgy. Calaparan, Arevalo, Iloilo City, noong Hulyo 18, 2023.
Dakong alas-7:35 kagabi ng ikasa ang nasabing operasyon ng pinagsanib na pwersa ng Regional Police Drug Enforcement Unit 6 at Iloilo City Police Station 6-SDET.
Kinilala ni Police Captain Mavin Laraño, Hepe ng Iloilo City Police Station 6, ang nahuling High Value Individual na si Wenchel Genterola Provido alyas “Tagoy”, 37, walang trabaho at residente ng Brgy. Zamora, Iloilo City.
Ayon kay PCpt Laraño, nakumpiska kay Povido ang apat na knot tied transparent plastic sachet ng suspected shabu na tumitimbang ng 170 gramo na nagkakahalaga ng Php1,156,000.
Nahaharap sa kasong paglabag sa R.A. 9165 o Comprehensive Dangerous Drugs Act of 2002 ang suspek.
Pinuri ni Police Brigadier General Sidney N Villaflor, PRO6 Regional Director, ang mga operating units sa matagumpay na high impact operation laban sa ilegal na droga, “Magiging mas masigasig pa tayo sa ating hangarin na matigil ang pagbebenta ng ilegal na droga, ang kapulisan ng Police Regional Office 6 ay patuloy sa pagbabantay ng ating komunidad para sa hangad na kapayapaan at kaunlaran ng bayan”, aniya.
