Isang personalidad sa iligal na droga ang natimbog sa buy-bust operation na isinagawa ng pinagsamang operatiba ng Special Operating Unit 6, PNP Drug Enforcement Group, Talisay Component City Police Station at ng Silay City Component Police Station sa tinitirhan nito sa Rosendo Lacson St., Brgy. Zone 2, Talisay City, Negros Occidental noong Setyembre 15, 2021.
Ang suspek ay kinilalang si Claire Soreno, 37 taong gulang, tinaguriang isang High Value Individual (HVI) ng Silay Component City Police Station.
Nasabat sa posesyon ng suspek ang humigit-kumulang na 10 gramo ng hinihinalang shabu na may Standard Drug Price na Php68,000; Php1,000 na ginamit na buy-bust money; isang (1) green coin purse at drug paraphernalia.
Ang inaresto ay nasa kustodiya ng Talisay Component City Police Station habang ang non-drug evidence ay nasa kustodiya ng Special Operating Unit 6, PNP Drug Enforcement Group para sa dokumentasyon at disposisyon.
Inihahanda ang kaso sa paglabag sa RA 9165 (Comprehensive Dangerous Drugs Act ng 2002) laban kay Soreno. (PRO6-PIO / Isinalin sa Tagalog ni NUP Loreto B. Concepcion)
