Pigcawayan, Cotabato – Timbog ang isang High Value Individual matapos ang isinagawang operasyon ng Pigcawayan PNP kontra ilegal na droga sa Brgy. North Manuangan, Pigcawayan, Cotabato nito lamang Disyembre 8, 2022.
Kinilala ni PBGen Jimili Macaraeg, Regional Director ng PRO 12, ang naarestong suspek na si alyas “Naser”, residente ng Pigcawayan, Cotabato.
Isinagawa ang nasabing operasyon bandang 8:00 ng gabi ng mga tauhan ng Municipal Drug Enforcement Unit ng Pigcawayan PNP.
Narekober mula sa suspek ang isang pakete ng hinihinalang shabu na may tinatayang timbang na 0.05 gramo at presyo na Php500.
Muli, pinatunayan ng kapulisan ng PRO 12 na sila ay hindi tumitigil sa paglaban kontra ilegal na droga. Bagkus, ito ay mas lalo pa nilang pinaigting upang mapigilan ang paglaganap nito sa komunidad at mapanatili ang kapayapaan at kaayusan sa rehiyon 12.
Panulat ni Patrolman Gio Batungbacal
