Walang kawala ang isang High Value Target (HVT) sa ikinasang anti-illegal drug operation ng mga awtoridad sa kahabaan ng Brgy. Bialong, Mlang, Cotabato nitong umaga ng Martes, Enero 9, 2024.
Kinilala ni Police Lieutenant Colonel Realan Mamon, Chief of Police ng Mlang Municipal Police Station, ang suspek na si alyas “Ryan” na kabilang sa HVT list ng PDEA.
Matagumpay na nailatag ng Mlang PNP ang operasyon laban sa suspek na nagresulta sa pagkakaaresto at pagkakarekober ng 1.3 gramo ng hinihinalang shabu na may Standard Drug Price na Php6,800, buy-bust money at iba pang non-drug items.
Kasong paglabag sa RA 9165 (Comprehensive Dangerous Drugs Act of 2002) ang isinampang reklamo laban sa nahuling suspek.
Ang matagumpay na pagkakadakip sa suspek ay nagpapakita ng dedikasyon ng ating pulisya sa pagsugpo ng ilegal na droga sa bansa, na naglalayon na mapanatili ang kaayusan at kaligtasan ng mamamayan.
Panulat ni Patrolwoman Flora Mae P Asarez
