Nasakote ng pulisya ang isang High Value Target sa isinagawang drug buy-bust operation sa Sitio Hurao-hurao, Barangay San Roque, Anini-y, Antique nito lamang Setyembre 27, 2024.
![](https://i0.wp.com/psbalita.com/wp-content/uploads/2024/10/photo_2024-10-01_09-53-48.jpg?resize=696%2C392&ssl=1)
Ang suspek ay kinilalang si alyas “Puding”, 49 anyos, biyuda, isang Barangay Tanod at residente ng Sitio Hurao-hurao, Barangay San Roque, Anini-y, Antique.
Naaresto ang suspek ng pinagsanib pwersa ng PDEA VI, Antique PPO, Anini-y MPS (SDET), at PDEU Antique PPO.
Narekober kay alyas “Puding” ang anim (6) na piraso ng heat-sealed transparent plastic sachet ng pinaghihinalaang shabu na tumitimbang ng 50 gramo at may Standard Drug Price na tinatayang Php325,000, Php8,000 buy-bust money at iba pang non-drug items.
Nahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Patuloy na hinihikayat ng Antique PNP ang mamamayan sa kanilang nasasakupan na makipagtulungan at ipagbigay alam sa pinakamalapit na istasyon ang anumang ilegal na aktibidad partikular ang mga taong sangkot sa ilegal na droga tungo sa layuning makamit ang isang Drug Free Western Visayas.
Source: TOC Antique PPO
Panulat ni Pat Juliebelle Alvior