Butuan City (January 20, 2022) – Isang indibidwal na nagbebenta ng ilegal na droga ang inaresto ng lokal na pulisya ng Butuan City sa pamamagitan ng Joint Buy-Bust Operation kasama ang Philippine Drug Enforcement Agency Regional Office 13 (PDEA RO13) sa Purok 3b Amamaylan, Barangay Baan KM 3, Butuan City, noong Enero 20, 2022.
Inaresto ng mga operatiba ng Butuan City Police Station 1 (BCPS 1) at PDEA RO XIII si Orlando V Pacaña Jr aka Junpacs, 40 taong gulang, may asawa, at residente ng Purok 7 Amamaylan, Barangay Baan KM 3, Butuan City. Siya ay isang Target-listed o High Value Target (HVT).
Nakumpiska sa suspek ang isang (1) piraso ng heat-sealed plastic sachet na naglalaman ng white crystalline substance na hinihinalang shabu, isang (1) itim na sling bag na may isang kahon ng Tic-Tac na naglalaman ng isang (1) pirasong heat-sealed plastic sachet na naglalaman ng hinihinalang shabu, isang (1) tunay na Php500 bill, at isang (1) Vivo android cellular phone.
Lahat ng mga nakumpiskang droga ay may tinatayang timbang na higit kumulang sampung gramo na nagkakahalaga ng Php80,000. Ang suspek at lahat ng nakumpiskang ebidensya ay nasa kustodiya na ng PDEA RO XIII para sa tamang pagsasampa ng kaso sa paglabag ng Seksyon 5 at 11 Artikulo II ng RA 9165.
“Pinupuri ko ang mga tauhan ng BCPS 1 at PDEA RO XIII sa kanilang walang humpay na pagsisikap sa ating paglaban sa ilegal na droga”, saad ni BCPO Top Cop Police Colonel Exelso L Lazaga Jr.
“Ito ay nagpapakita na ang lokal na pulisya ng Butuan City ay hindi magpapahinga hangga’t hindi natatapos ang aktibidad ng ilegal na droga dito. At para sa mga nagsasagawa pa rin ng ganitong aktibidad, mas maiging tumigil na kayo o mahuli kayo,” pagtatapos niya.
####
Panulat ni Patrolman Jhunel Cadapan RPCDU13
Great Job PNP