Arestado ang isang High Value Target sa isinagawang drug buy-bust operation ng Ilagan PNP sa Barangay Alangigan 3rd, City of Ilagan, Isabela noong ika-26 ng Agosto 2024.
Kinilala ni Police Lieutenant Colonel Lord Wilson J Adorio, hepe ng Ilagan Component City Police Station ang suspek na si alyas “Rodolfo”, 30 taong gulang, may asawa, drayber, residente ng nasabing lungsod at tinaguriang High Value Target sa Provincial Level.
Nakumpiska mula sa pag-iingat ng suspek ang limang (5) gramong hinihinalang shabu; isang (1) genuine 1000-peso bill; labing-limang (15) 1000-peso bill boodle money (buy-bust money), isang (1) Realme smartphone at isang (1) blue Yamaha Mio Sporty motorcycle sa pagtutulungan ng pinagsanib na pwersa ng Ilagan Component City Police Station at Philippine Drug Enforcement Agency – Isabela.
Ang PNP ay masigasig sa kampanya kontra ilegal na droga upang masugpo ang paglaganap nito sa komunidad tungo sa isang payapa at ligtas na komunidad.
Source: Isabela PNP
Panulat ni Pat Donnabele Galang
