Arestado sa isinagawang buy-bust operation ng mga operatiba ng Butuan City Police Station 2 at pwersa ng Station Drug Enforcement Unit ang isang High Value Individual sa P-7, Barangay Limaha, Butuan City, Agusan del Norte nito lamang Agosto 13, 2024.
Kinilala ni Police Captain Moises Macalolot Jr., Hepe ng Butuan City Police Station 2, ang naaresto na si alyas “Jiejie”, 25 anyos, walang trabaho at residente ng P7, Barangay Kimaha sa Butuan City.
Nakumpiska ang pitong pakete ng pinaniniwalaang shabu at isang pakete ng buy-bust item na may timbang na limang gramo na nagkakahalaga ng Php34,000 at Php1,000 bill na buy-bust money.
Nahaharap sa kasong paglabag sa Republic Act 9165 o Comprehensive Dangerous Drugs Act of 2002 ang suspek.
Patunay lamang na isa ito sa mga positibong aspeto ng kampanya kontra ilegal na droga at pagbawas ng krimen na maaaring maidulot ng paggamit ng ilegal na droga dahil sa mahigpit na pagpapatupad ng batas tungo sa isang ligtas na Bagong Pilipinas.
Panulat ni Patrolwoman Karen Mallillin
