Timbog ang isang High Value Individual sa isinagawang buy-bust operation ng Butuan City Police Station 2 sa Purok 2 Barangay Holy Redeemer, Butuan City nito lamang ika-25 ng Hulyo 2024.
Kinilala ni Police Captain Moises Macalolot Jr., Hepe ng Butuan City Police Station ang suspek na si alyas “Ceasar”, 33 anyos, binata, kasalukuyang naninirahan sa P2 Barangay Holy Redeemer sa Butuan City.
Nakuha sa kanyang posisyon ang limang pakete ng pinaniniwalaang shabu at isang pakete ng buy-bust item na tinatayang nasa 10 gramo na nagkakahalaga ng Php68,000 at Php1,000 na buy-bust money.
Kasong paglabag sa Republic Act 9165 o Comprehensive Dangerous Drugs Act of 2002 ang kakaharapin ng suspek.
Ang patuloy na operasyon ng PNP laban sa ilegal na droga ay mahalaga at kinakailangan para sa pagpapanatili ng kaayusan at kaligtasan ng mamamayan at masugpo ang mga sindikato at maprotektahan ang mga kabataan at komunidad mula sa masamang epekto ng droga tungo sa isang ligtas na Bagong Pilipinas.
Panulat ni Patrolwoman Karen Mallillin
