Timbog ang isang High Value Individual sa isinagawang buy-bust operation ng mga operatiba ng Pantukan Municipal Police Station sa Barangay Napnapan, Pantukan, Davao de Oro nito lamang ika-16 ng Abril, 2025.
Ayon kay Police Lieutenant Colonel Decano J Morales Jr., Acting Chief of Police ng Pantukan Municipal Police Station, kinilala ang suspek na si alyas “Ryan”, 39 anyos na minero mula sa San Miguel, Magsaysay, Davao del Sur.
Nakuha ang tinatayang Php10,000 halaga ng hinihinalang shabu at iba pang ebidensya at nahaharap sa kasong paglabag sa Republic Act 9165 o “Comprehensive Dangerous Drugs Act of 2002”.
Ang patuloy na operasyon ng Police Regional Office 11 ay hindi lamang nakatuon sa pag-aresto sa mga lumalabag sa batas, kundi pati na rin sa pagpapalaganap ng pagtutulungan mula sa komunidad upang mapanatili ang kaayusan at makamit ang kaunlaran.
Panulat ni Pat Shairra Rose A Aquino
