Timbog ang isang High Value Individual sa ikinasang buy-bust operation ng Southern Leyte PNP sa Barangay Zone I, Sogod, Southern Leyte nito lamang ika-27 ng Disyembre 2024.
Kinilala ni Police Captain Maja C Beringuel, Chief of Police ng Southern Leyte Police Provincial Office-Provincial Drug Enforcement Unit ang suspek na si alyas “Randy”, 42 anyos at residente ng Barangay Zone I, Sogod, Southern Leyte.
Bandang 12:12 ng hapon nang ikasa ang operasyon ng mga tauhan ng Southern Leyte Police Provincial Office-Provincial Drug Enforcement Unit kasama ang Southern Leyte Provincial Intelligence Unit at Sogod Municipal Police Station sa koordinasyon sa Philippine Drug Enforcement Agency 8.
Nakumpiska mula sa suspek ang dalawang pakete ng hinihinalang shabu na may tinatayang timbang na apat (4) na gramo na nagkakahalaga ng Php27,200, isang 1,000 peso bill kasama ang apat na pirasong 1,000 peso bill na ginamit bilang buy-bust money, mga drug paraphernalia at isang Honda XRM na ginamit sa nasabing transakyon.
Mahaharap ang suspek sa kasong paglabag sa Section 5 at 11 ng Republic Act 9165 o “Comprehensive Dangerous Drugs Act of 2002”.
Ang matagumpay na operasyon ay bunga ng pagpapaigting ng Pambansang Pulisya sa kampanya laban sa ilegal na droga upang matiyak ang kaayusan at kaligtasan ng bawat isa.
Panulat ni Patrolwoman Ma. Elena B Singian
