Timbog ang isang High Value Individual sa ikinasang buy-bust operation ng mga operatiba ng pulisya sa Barangay District 3 Poblacion, Lapaz, Leyte nito lamang ika-02 ng Pebrero 2025.
Kinilala ni Police Lieutenant Rameses S Bardillon, Chief ng Leyte Provincial Drug Enforcement Unit, ang suspek na si alyas “Arvi”, 30 anyos at residente ng Barangay District 3 Poblacion, Lapaz, Leyte.
Bandang 7:10 ng umaga nang ikasa ang operasyon ng mga tauhan ng Leyte Provincial Drug Enforcement Unit kasama ang La Paz Municipal Police Station-Station Drug Enforcement Unit at Leyte Provincial Intelligence Unit sa koordinasyon sa Philippine Drug Enforcement Agency 8.
Nakumpiska sa suspek ang apat (4) na pakete ng hinihinalang shabu na may tinatayang timbang na 5.56 gramo na nagkakahalaga ng Php41,700, isang genuine 500-peso bill na ginamit bilang buy-bust money at mga drug paraphernalia.
Mahaharap ang suspek sa kasong paglabag sa Section 5 at 11 ng Republic Act 9165 o “Comprehensive Dangerous Drugs Act of 2002”.
Ang matagumpay na operasyon ay bunga ng pagpapaigting ng Pambansang Pulisya at iba pang ahensya ng gobyerno sa kampanya laban sa ilegal na droga para matiyak ang kaayusan at kapayapaan sa nasasakupan. Dahil sa Bagong Pilipinas ang gusto ng pulis ligtas ka!.
Panulat ni Patrolwoman Ma. Elena B Singian
