Cebu City, Cebu – Nahulog sa kamay ng mga otoridad ang isang High Value Individual ng PNP at PDEA-Region 7, sa ikinasang buy-bust operation sa Sitio Tinabangay, Barangay Mambaling, Cebu City, nito lamang Lunes, ika-4 ng Hulyo 2022.
Kinilala ni Police Colonel Ernesto Salvador T Tagle, City Director ng Cebu City Police Office, ang naaresto na si Jojie Cuevaz Diaz, 27, residente ng Sitio Huyong-huyong, Barangay Mambaling, Cebu City.
Ayon kay Police Colonel Tagle, naaresto ang suspek bandang 6:40 ng hapon sa pinagsanib na puwersa ng mga miyembro ng City Drug Enforcement Unit, Cebu City Police Office (CCPO) at PDEA.
Ayon pa kay Police Colonel Tagle, nakumpiska kay Diaz ang tinatayang nasa 53 gramo ng shabu na may Standard Drug Price na Php360,400.
Kasong paglabag sa Sections 5 at 11, Article II ng RA 9165 o ang Comprehensive Dangerous Drugs Act of 2002 ang isasampa laban sa suspek.
Kaakibat ng matagumpay na operasyon ang patuloy na paghikayat ng PNP sa mamamayan para sa kanilang pakikiisa sa pagsugpo ng ilegal na droga sa naturang lugar.
###
