Rosario, Agusan del Sur – Kalaboso ang High Value Individual (Regional Level) sa buy-bust operation ng Agusan del Sur PNP nito lamang Lunes, Hulyo 11, 2022.
Kinilala ni Police Colonel Jovito Canlapan, Acting Provincial Director ng Agusan del Sur Police Provincial Office, ang nadakip na si Ivan Rafael Evangelista, 25, residente ng Purok 2, Sandres, Bunawan, Agusan del Sur.
Ayon kay PCol Canlapan, bandang 12:20 ng tanghali ng isagawa ang operasyon sa P-3, Tree Park, Poblacion, Rosario, Agusan del Sur ng mga tauhan ng Rosario Municipal Police Station, Agusan del Sur Provincial Intelligence Unit at 2nd Agusan del Sur Provincial Mobile Force Company.
Nakumpiska mula kay Evangelista ang dalawang heat-sealed transparent sachets na naglalaman ng dalawang gramo ng hinihinalang shabu na may Standard Drug Price na Php13,600 at isang pirasong Php1,000 bill na ginamit na buy-bust money.
Nahaharap si Evangelista sa kasong paglabag sa Republic Act 9165 o Comprehensive Dangerous Drugs Act of 2002.
Mas papaigtingin pa ng Agusan del Sur PNP ang kanilang paglaban kontra ilegal na droga upang mapangalagaan ang mga AgSurnons sa anumang banta ng kriminalidad.
###
Panulat ni Patrolman Jhunel Cadapan/RPCADU13
