Talisay City – Tinatayang Php340,000 halaga ng hinihinalang shabu ang nasabat ng mga operatiba ng Talisay City PNP sa isang High Value Individual nito lamang Martes, Hulyo 05, 2022.
Kinilala ni Police Lieutenant Colonel Randy T Caballes, Chief of Police ng Talisay City Police Station, ang suspek na si Ronnel Ladesma Cabaron, 42, residente ng Gemsville Subdivision, Barangay Lahug, Cebu City at kabilang sa High Value Individual sa naturang lugar.
Ayon kay PLtCol Caballes, nahuli ang suspek bandang 12:38 ng umaga sa Boromeo, Barangay Bulacao, Talisay City, Cebu ng mga operatiba ng Station Drug Enforcement Unit ng Talisay City Police Station, Cebu Police Provincial Office (CPPO).
Nakuha mula sa suspek ang 50 gramo ng hinihinalang shabu na may Standard Drug Price na Php340,000.
Kasong paglabag sa Sections 5 at 11 ng Article II ng RA 9165 o ang Comprehensive Dangerous Drugs Act of 2002 ang kakaharapin ng suspek.
Sinisiguro naman ng mga kawani ng Talisay City Police Station na kanilang ipagpapatuloy ang maayos at epektibong paraan upang tuluyan ng mawakasan ang iba’t ibang uri ng kriminalidad na dulot ng ilegal na droga.
###
