Arestado ang isang High Value Individual sa ikinasang buy-bust operation ng PNP at PDEA sa Barangay Sabang, Zone II, Allen, Northern Samar nito lamang Mayo 20, 2024.
Kinilala ni Police Lieutenant Thom Alexis D Manlangit, Officer-In-Charge ng Allen Municipal Police Station, ang suspek na si alyas “Alcris”, 40 anyos at residente ng Barangay Sabang, Zone II, Allen, Northern Samar.
Bandang 11:45 ng gabi ng ikasa ang operasyon ng mga tauhan ng Allen Municipal Police Station kasama ang Philippine Drug Enforcement Agency – Northern Samar Provincial Office, Northern Samar – Provincial Intelligence Unit at Northern Samar Provincial Drug Enforcement Unit sa koordinasyon sa Philippine Drug Enforcement Agency 8.
Narekober sa suspek ang apat na pakete ng hinihinalang shabu, isang 1,000-peso bill na ginamit bilang buy-bust money at mga drug paraphernalia.
Mahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang Pambansang Pulisya katuwang ang PDEA ay patuloy sa kampanya laban sa ilegal na droga upang mapanatili ang maayos at ligtas na komunidad tungo sa minimithi natin na Bagong Pilipinas.
Panulat ni Patrolwoman Ma. Elena B Singian
