Arestado ng PNP ang isang High Value Individual sa ikinasang drug buy-bust operation sa Muelle Loney, City Proper noong ika-27 ng Mayo 2024.
Naaresto ng Iloilo City Drug Enforcement Unit ang isang lalaki na kinilalang si alyas “Frank”, 39-anyos, High Value Individual at residente ng nasabing lugar.
Narekober mula sa suspek ang higit-kumulang 60 gramo ng hinihinalang shabu na may Standard Drug Price na Php408,000.
May narekober din na notebook ang awtoridad na pinaniniwalaang listahan ng kanyang mga naging ka-transaksyon sa ilegal na droga.
Mahaharap nasabing suspek sa kasong paglabag sa Republic Act 9165 o Comprehensive Dangerous Drugs Act of 2002.
Patuloy ang Iloilo City PNP sa pagsugpo ng ilegal na droga sa syudad upang mapanatili ang katahimikan at kaayusan sa kanilang nsasakupan.
Source: Aksyon Radyo Iloilo 720
Panulat ni Pat Julius Sam Accad
