Arestado ng PNP at PDEA ang tinuturing na High Value Individual sa Regional Level na nakumpiskahan ng Php6.8 milyong halaga ng shabu sa isinagawang buy-bust operation sa Zone 7, Barangay Mantuyong, Mandaue City, Cebu, nito lamang Pebrero 16, 2024.
Ang suspek na kinilalang si alyas “Rack-Rack”, 57 anyos, residente ng Carcar City, Cebu ay naaresto pasado alas-12 ng madaling araw matapos makatransaksyon at mabentahan ng ilegal na droga ang miyembo ng mga operatiba na nagpanggap na poseur buyer.
Nakumpiska sa pag-iingat ng suspek ang hinihinalang shabu na tumitimbang ng nasa isang kilo na may tinatayang standard drug price na Php6,800,000, isang unit ng Black Samsung Cellphone, back pack na ginamit bilang lagayan ng droga, at buy-bust money.
Ang matagumpay na operasyon ay bunga ng pinagsanib na puwersa ng mga miyembro ng City Intelligence Unit (CIU), City Drug Enforcement Unit (CDEU), Police Station (PS) 1 Mandaue City Police Office (MCPO), Regional Intelligence Division (RID), Regional Drug Enforcement Unit (RDEU), at Philippine Drug Enforcement Agency (PDEA) Central Visayas.
Mahaharap ang suspek sa mga paglabag ng Seksyon 5 at 11, Article II ng Republic Act 9165 o Comprehensive Dangerous Drugs Act of 2002.
Sa masidhing pagtalima at walang humpay na pagsasakatuparan ng programa at adhikain ng kasalukuyang administrasyon na masawata ang problema sa ilegal na droga, tinitiyak ng buong hanay ng kapulisan ng Mandaue City Police Office sa ilalim ng pamumuno ni Police Colonel Maribel B Getigan, City Director, ang pagbibigay katuparan nito sa tulong at suporta ng komunidad tungo sa bagong Pilipinas.
Source: SR MCPO
Panulat ni Pat Edmersan Llapitan
