Tacloban City – Arestado ng mga tauhan ng Tacloban City Police Office ang isang High Value Individual sa isinagawang buy-bust operation sa Brgy. 94 Tigbao, Tacloban City nitong ika-5 ng Enero 2023.
Kinilala ni Police Colonel Michael Palermo, City Director ng Tacloban City Police Office, ang naaresto na si alyas “RJ”, 49, may asawa, walang trabaho, at kasalukuyang naninirahan sa Brgy. 94 Tigbao, Tacloban City.
Ayon kay PCol Palermo, naaresto ang suspek bandang 8:07 ng gabi ng mga operatiba ng City Drug Enforcement Unit – TCPO sa pangunguna ni Police Captain Anthony-Re Amora, Chief ng CDEU at sa pakikipagtulungan ng Philippine Drug Enforcement Agency 8.
Ayon pa kay PCol Palermo, ang on-scene inspection ay isinagawa ni Police Major Joselito Amistoso, OIC, TCPO-Police Station 2.
Nakumpiska ang isang pirasong heat-sealed transparent plastic sachet na naglalaman ng hinihinalang shabu na binili mula sa suspek (Subject of Sale); at mula sa kanyang aktwal na pag-aari at kontrol ay isang belt bag na kulay itim na naglalaman ng isang mentos metal container na kulay berde na naglalaman ng 37 na piraso ng heat-sealed transparent plastic sachet ng hinihinalang shabu (subject of possession), isang cellphone na kulay itim, at buy-bust money.
Dagdag pa, ang narekober na hinihinalang shabu ay humigit-kumulang 10 gramo at may kabuuang street market value na Php68,000.
Mahaharap ang suspek sa kasong paglabag sa Sec 5 at 11 ng RA 9165 o Comprehensive Dangerous Drugs Act of 2002.
Patuloy ang PNP sa mga ganitong operasyon upang tuluyang matigil ang paglaganap at pagbebenta ng ilegal na droga sa ating bansa.
