Arestado ang isang High Value Individual sa ikinasang buy-bust operation ng Regional Police Drug Enforcement Unit 12 sa Barangay Glamang, Polomolok, South Cotabato nito lamang Hunyo 01, 2024.
Kinilala ni PBGen Percival Augustus P Placer, Regional Director ng Police Regional Office 12, ang suspek na si alyas “Tots”, 38 anyos, Tricycle Driver at residente ng Macopa Street, Barangay Dadiangas North, General Santos City.
Ayon kay PBGen Placer, nakuha mula sa suspek ang anim na pakete ng hinihinalang shabu, isang piraso ng Php1,000 na may Serial Number NW675369, 14 na piraso ng Php1,000 boodlle money, isang yunit na kulay asul na tricycle na may Plate #373 MRZ at isang (1) unit na Samsung A03S Android Cellphone.
Ang suspek ay mahaharap sa kasong paglabag sa Republic Act 9165 o Comprehensive Dangerous Drugs Act of 2002.
Ang matagumpay na operasyon ay nagpapakita ng malaking suporta sa bagong programa ng ating Pangulong Ferdinand Marcos Jr sa kampanya kontra ilegal na droga sa bansa na itinuturing niyang pangunahing hakbang sa pagtataguyod ng isang Bagong Pilipinas.
Panulat ni Rhesalie Umalay
